ماذا تفعل عندما يقع ابنك ؟ (كبسولة تربوية)

السلام عليكم ورحمة الله وبركاته

اليوم ان شاء الله سنتحدث عن مشكلة تربوية تتعلق بموروث ثقافي لدينا وهي عندما يتعرض احد اطفالنا للتعثر او الوقوع او الخبط وجاء اليك منهمر في  البكاء ما هو رد فعلك ؟

تذكرت ؟؟

كلنا او اغلبنا نفعل هذا نقوم وناخذه من يده وناخذ في تعنيف الارض او الكرسي او المنضدة او الباب وننهال عليها بالضرب (كده يا كرسي يا وحش خبط ابني حبيبي طيب انا حضربك  والطفل لازال مستمر بالبكاء كده طيب يلا يا حبيبي اضربه انت كمان بابا بالصدفة بيمر يلا يا بابا نضرب الكرسي وتتقلب حفلة ضرب جماعي للكرسي المسكين طيب ايه البكاء توقف ؟؟

ايوه طيب برافو عليكي تعالي بقي اعرفك غلطك :)

موقف بسيط جدا مثل هذا الموقف قام بتكوين افكار خاطئة كثيرة بتنشئة طفلك 

اولا :اتعلم ان كل ما يغضب لازم يطلع غضبه بالضرب ما الغضب ده بيكون شحنة لازم تخرج فلا تلومي الا نفسك انه كل لما يغضب من حاجة حيضرب وخاصة اخواته .

ثانيا:رد الفعل العنيف وكل ما حيكبر حيكبر معاه وحيستخدم العنف كفعل طبيعي مسموح بيه لانك او لانكي انتي اللي علمتيهوله .

ثالثا : الانتقام الطفل ده بدون قصد اتبرمج علي الانتقام لازم لما يقع ينتقم لنفسه الان من الكرسي غدا من اخوه وهكذا سواء انه اخوه مثلا خبطه بقصد او دون قصد حينتقم يعني حينتقم بدون تفاهم .

رابعا : الاسقاط بدل ما ننبهه انه اكيد كان ماشي سرحان او غير مركز جبت الغلط كله علي الكرسي فاصبح الكرسي هو المسئول وهو الغلطان واسقط الخطأ كله علي الكرسي . وهو المسئول انه موسعلهوش وهو بيمر وهنا بقي مصيبة بداية تكوين الشخصية اللي عمرها ما تعترف بغلطها حتي لو بينها وبين نفسها .

الان بعد سرد بعض المشاكل من هذا الموروث الخاطئ هل يوجد بديل او حل اكيد فيه حلول ان شاء الله وهي :

قدر مشاعر طفلك جدا واحتويه واهتم وده اغلب اللي هو محتاجه بلاش تلهيه باسلوب بص العصفورة بل بالعكس تماما 

1- اوصفله اللي حصل بدون مبالغة وبدون وهم قوله انت كنت بتجري ووقعت وقعة جامدة ووجعتك جامد قوي وانت اتخضيت كمان تعالي نغسلها بالمياه وندلكها واحضنه.

2-امنع اسلوب التبكيت واصبر عليه لغاية ما يهدي نهائي وابدا اناقشه ليه ده حصل علشان ميتكررش واستخدم اسلوب التقرير بديل عن التبكيت مثال ممكن يكون شرابك بيزحلق علشان كده وقعت او ممكن وانت بتجري نسيت تبص ادامك خلاص بعد كده نخلع الشراب ونبص امامنا كويس جدا .

3- احترام المشاعر اتركه يخرج مشاعره كيفما يشاء دون الاستخفاف والاستهتار بها بل نقوم بمساعدته لاخراجها واحترامها والتاثر بها والهدف ده خاصة بيساعده انه يشعر باوجاع غيره وميستهونش بمشاعر حد نهائي وبيكون ده مثل يحتذي به طوال حياته بالاهتمام ومراعاة شعور الاخرين .

4- البكاء لم يتوقف نساله بهدوء هو انت ليه لسه بتبكي ؟؟ انت لسه موجوع؟؟ ولا زعلان علشان وقعت ؟؟ 

طيب  ايه رايك نقوم نقوم سوا نغسل وشنا ونشرب مياه ونهدي شوية ونطلع المكعبات نلعب بيها او ممكن نقوم نعمل كيك مع بعض .

وكل ما يكبر حنرسخ فيه المفهوم الايماني قدر الله وما شاء فعل واي الم ووجع ربنا بيعطينا عليه حسنات علشان بيحبنا 

يارب اكون افدتكم من  خلال هذه المقالة التي سجلتها من خلال كورس تعديل سلوك للأستاذة سلمي ياقوت