بسم الله الرحمن الرحيم
استكمالا لما بداناه عن اسئلة الطفل المحرجة وان اجابتك ستكون هي مصدر المعرفة الاول لديه والركيزة الاولي بحياته لذا يجب ان تاخذيها بمحمل الجد وبعين الاعتبار ولا تردي باجابات لا تتناسب مع فهمه ومستوي ذكاؤه.
في هذه المقالة سنتطرق لاكثر الاسئلة الجنسية شيوعا بين الاطفال وكيفية الاجابة عليها .
ماما الناس بتخلف ازاي ؟؟
ماما انا جيت ازاي ؟؟
ماما ازاي البيبي جوه بطنك ؟؟
ماما ازاي ربنا خلقنا ؟؟
كل الاسئلة ديه ان شاء الله لها اجابة واحدة
اول ما بابا حب ماما وعملوا فرح وعزموا الناس واتجوزوا بابا بعدها وضع شي جوة بطن ماما وبعدين بعد 120 يوم ربنا وضع الروح بالبيبي اللي هو كنت انت وفضلت ببطني 9 شهور تكبر فيهم وبعدين الدكتور قال البيبي خلاص عايز يخرج ففتح بطني وطلعك .
ماما طيب ازاي الدكتور خرجني من بطنك ؟؟
لو الطفل عمره اقل من 7 سنوات حنقوله الدكتور عطاني ابرة تخدرني وتنيمني لغاية ما فتح بطني طلعك ورجع قفل تاني .
طيب لو السن اكبر حقول ان ربنا خلق جسم الانثي غير جسم الرجل علشان كده ربنا خلق للانثي فتحة تحت بجانب فتحة البول خاصة لخروج الجنين .
ماما ليه الست بترضع والراجل لا ؟؟
لان ربنا خلق الانثي بصفات جسمانية مختلفة عن الرجل فالانثي صدرها اكبر من صدر الرجل لان ربنا بيحطلها فيهم اللبن اللي بيرضعوا البيبي فبتبقي هي المسئولة عن تغذيته .
ماما طيب ليه مش بابا هو اللي يبقي حامل ؟؟
علشان زي ما قولتلك ربنا خلق جسم الرجل غير جسم الانثي وخلقنا كلنا علشان نعمر الارض فخلي الست هي المسؤلة عن الحمل والرضاعة وتغذية الاطفال وتربيتهم وبابا هو المسؤل عن المصاريف وانه يشتغل كتير ويجبلنا اللبس والاكل والشرب ويفسحنا .
ماما ليه انا مش زي اخويا ليه هو بيعمل بيبي وهو واقف وانا لا ؟؟
لان الجهاز التناسلي عند الولد مش زي البنت هو عضوه بارز ومن برة فيعرف يعمل وهو واقف اما البنت فعضوها داخلي من جوة فمتعرفش تعمل وهي واقفة ربنا لما خلقنا خلانا ذكور واناث وشبهنا الحيوانات والنباتات كلهم فيهم الذكور والاناث وممكن تبرهني علي كلامك من خلال احضار حيوانين من نفس الفصيل ذكر وانثي ونوريهم الفرق ومش لازم تشتري ممكن اي محل حيوانات او قطة معدية شاوريلهم علي الفرق .
يارب
اكون افدتكم وان شاء الله فيه استكمال لبقية اسئلة الاطفال اذا المقال اعجبكم تفضلا وليس امرا شيروه لتعم الفائدة .
ودمتم سالمين والسلام ختام .
0 التعليقات: